YOUNG LAI ASSOCIATION HI

YLA HI

—LH.Hauhêng, Nghilhloh Rûn

"Young Lai Assocition [YLA] in kum 50 a tling ta. Keini chu kan YLA zel dawn..."

YLA Member ni turin lehkha thiam sang nih a ngai lo va, hmelțhat a țul kher hek lo. Tuna i awm ang ang khan YLA i ni sa a, chu chuan a chei mai zawk che a ni. *YLA Member i nih hian i țha sa a, tlawmngaihna i lantirin a cheimawi che a, chhiatni ṭhat ni-a i telvena hmun awma i awm hian nangmaha awm YLA nihna thuthlung kha sáng takah i hlangkai a ni zawk...*

YLA chu huapzo a nihna angin, mangan ni-a ṭhianṭha niin; Lusûn khawhar kan niha min thlamuantu, kan nat kan mangana min kantu a ni a. Kan chhiat tawh ni khua-a thlan mawi taka min laihsak a, min tuam hlawmtu kan nu leh pa te an ni.

Thianghlimna min zirtir a, kawng dik min kawhhmuhtu leh, tum ruhna nun nei tura min chher puitling tu, mihring kan nih chhunga pawimawh tak mai pakhat — Lai nun ze mawi mi tin te țheuhva ang khata min tuhsaktu hman ata tawh vawiin thlengin an la ni.

Mahni tha leh zung seng a, mahni inphata mi dangte tana luangchhuak ṭhin an ni a. An zarah mi lungngaite an lawmin an thla a muang ṭhin a ni. 

Tar chak lo te, pachhia leh chumchiapte thlenga ensan ngai lo va, pakhata entlat tu, thleih bik leh tih bik a nei ve ngai lo—YLA chuan...

*'YLA AW'* hi *Ram leh Hnam Aw* a ni a. YLA aw hi *mi chanhaite thlamuanna aw* a ni bawk. Mi â leh mi țha te, mi mâwl leh mi hnuaihnung ber ber te thlenga en hrang mai lo va, mitmei angkhat veka chhuah țhin tu chu — YLA hi a ni. 

YLA chu *'Dánbu'* pela a chet a mawi ngai lo va. YLA Dânbu nen kalkawpin YLA thuthlung leh a nihna humhalha vawng nung reng turin a dinchhan leh tumah chiangin, kan hnam nunphung leh ziarangte a boral hlauvin theihtawp tak meuh chhuahin a enkawl tlat tur a ni. YLA ah chuan kan *Dânbu* hi kan *PASS* ngei ngei tur a ni a. Kan *Supplement* hi a thiang lo...

YLA in kum 50 a tlin kan lawmna ah hian ngaihmawh tlem ka nei a; sawiloh ka tum zeta ka tum hi a YLA tlata hriatna ka nei, chu chu a dik ber em ka hre thui lo, chhiartute ngaihdanah nise - 

• Tunlai kan YLA Day hman dan hi a ṭhat tho reng laiin, a bik takin Games & Sport, Ei leh in kan uar zual riaua hriatna ka nei, a ṭhat vek rualin a tha ber em, a YLA em tih hi mahni branch ah theuh inchhutlet fo ila...

• Thawhtanni, Sept. ni 16, 2024 khan Bethel Veng Branch YLA ten an Veng chhunga mi harsa, mahni in sa theilo te 'YLA Golden Jubilee' pualin an sak sak a nih kha maw (social media leh t.v kaltlangin kan hre awm e.) kha kha a YLA a, a tunlai a, kan YLA thiltum (kan motto) nen an inrem em em a, kan Lawngtlai Bawrhsap Pu Cheemala Siva Gopal Reddy pawn a hmunah tlawhin hetiang hi YLA anih chuan a va tha em, a aia tha a awm chuang dawn em ni?! a ti e, an ti a. A tidik a ni. Kan DC hian...

  Hetianga mi harsa te tana in an sa chu lawmawm a ti a, sawrkar atangin PMAY atangin tanpuina ngaihtuahsak tha a tih thu a sawi anih kha...

• YLA Day piah lamah, YLA ina kum 50 a tlinna Golden Jubilee lawmna puiber November ni 19-21, 2024 -ah Lawngtlaiah neih a ni tur te hi a thain a ropui a, YLA hi a ral leh tawh ngai lovang, tih hi a nemnghet chiang hle awm e. Chuvangin, YLA kan nih ang takin kan pawl innghahna leh thiltumte hrerengin mi te tana harsatna siamtu nilova, mi chanhai leh riangvaite banphak YLA, midangte tanpuina kawnga ke penchhuak thin pawl nung leh thianghlim nih zel hi i chhawm nung zel ang u hmiang i.

• YLA chu Politics rawng kailo, tlawmngai pawl anih tlat avangin a chhung pawh thianghlim tura ngaihna lian tak a awm a, a awm zel ang. Chutih ruala pawimawh em em chu YLA hian kuanglo nawrin huanglo a dai palh ang, tih hi nia ka hlauh ṭan chu ni. Kan ram leh hnam tana tha turah chuan huaisen takin ke pen chat mai zel ila, MLA leh MDCs adt., te pawh kan ram tana thiltha turah chuan infinchhuahzel ila, chutah chuan rahtha a chhuah ngei ka ring tlat a ni. (Hengah te hian hmasawn kan ngai - Kan District Hospital Lawngtlai te hi khum 100 awm tura nawra Civil a hlankai te, Zirna (Education) a kan hniamzia kan hria helama infuihthar kan ngai, chumi atan chuan a ngaihna hre zawkte nena inrawntlanga ke pen a ngai, chuta mawhla ngam tur atan chuan kan YLA te bawk lo chu an awm chuang silo, kan huang chhung tho kha niin ka hria a...) A sei lutuk palh ange kan la ziak zel ang.

Vawiina kan Day, YLA Ni, Kan ni bik hi a hlu danglam ngawt mai, YLA Member's - Chhim leh Hmar, Chhak leh Thlang a mi zawng zawng te u, 'Indam tlan ka beisei, YLA Golden Jubilee Chibai ka bûk vek a che u.'

Kan Ram Pangpâr - Y.L.A mawite'n vul zel rawh se.