LADC A VICE CHAIRMAN PLANNING & DEV. BOARD IN A PISA A LUAH

Vice Chairman, Planning & Dev. Board LADC Pu Laltlawmlova Chinzah in office luah
Lawngtlai, Hniang 19th, 2024 (LT) : Vawiin chawhnu dar 1 khan Pu Laltlawmlova Chinzah Vice Chairman Planning & Dev. Board LADC chuan a office luahlutin, he hunah hian CEM LADC chuan thusawina a nei.

Pu C. Lalmuanthanga CEM chuan, LADC sawrkar fuke a kim theihna tur atana Approval a ngaih avangin kan State sawrkar hotuten leh Governor ina theihtawp minlo chhuahpui thinna-ah lawmthu sawiin, Vice Chairman ah hian phu tak tak vek awm bawk mah se, tun hun atana Pathian belruat anih thu a sawi ani.

CEM chuan, he dawhkan hi Pathianina rawngbawlna atana adahsak dawhkanah ngai se, tih chu a duhsak hle thu a sawi bawk a. Kan Lairamah hian mahni inhai vur nan hmun a awmlo a, kan Lairam hi a chhe vek loa siamthat ngai erawh ala tam hle tih sawi bawkin, 15th Finance Commission atanga ruahmanna hmalakna tur tam tak awmah pawh Planning & Dev. Board te chu an pawimawh chho hle dawn ani,a ti.

Pu Lalzahawma Chinzah President, MNF Dist Hqrs: Lawngtlai pawn,Pu Laltlawmlova Chinzah chu EM anih lai pawha a ngaihna hria leh hnalak chungchanga dan siam ah te pawh theihtawp chhuahtu a ni a, hetiang dinhmun a chang hi kan lawmpui hle a ni, a ti a.

A sawi zelnaah, ULP (MNF+Congress)  te nena kan thawhhona a tha hle a, chumi rah chu party pahnih (2) te hian kan seng mek zel a, hmalam hun zel ah pawh rah duhawm a chhuahzel a beisei thu  asawi bawk.

Vice Chairman, P&DB - Pu Laltlawmlova Chinzah chuan, CEM duhsakna changa Planning & Dev. Board-a Vice Chairman atana ruat ka ni hi ka lawm hle a. He dawhkan hi elected tena an luah thin ni thin mah se, party a rinawmlo kaltate avangin he dawhkan hi luah thei anih thu a sawi a, rinawmna rah hi eng kawngah pawh a tlo ber a ni, a ti.

Pu Tlawmlova chuan, Kan ram inrelbawlna chungchangah kan officer fel tak tak te, board members a ka thawhpuite nena ram rorelna atana hnathawh tur kan thiam ve chi a awm anih ngai chuan theihtawp chhuaha ke pen zel turin kan awm reng dawn a ni, a ti a. Kan CEM leh Executive tena ruahmanna anlo neih tawhte pawh bawhzuia theihtawp chhuaha ke kan ram leh hnam tan pen kan inhuam reng a ni, ati bawk.

He hun hi Pu J. Ropianga Chinzah President Lai DCC in a kaihruai a, Rev.  Chatuanlalreia Langva IKK Lawngtlai Bialtu Pastor in hunserh a hmang ani. He hunah hian sawmbik te leh Dist. MJA hruaituten an telpui bawk. He ruatna notification hi Aug.ni 08,2024 khan DC&MA Secretary chuan a rawn tichhuak ani.

LADC a Planning & Dev. Board Committee Member-te chu hetiang hi an ni:

1. Chairman, Pu C.Lalmuanthanga CEM LADC
2. Vice Chairman, Pu Laltlawmlova Chinzah
3. Member Secretary- Planning & Development Officer LADC (Ex-officio)

     Member:
4. Pu L.Lalrinawma Lawngtlai-III
5. Pu H. Lalhmingmawia Chawhnu
6. Deputy Planning & Development Officer, LADC
7. Executive Engineer ( Planning) LADC

Comments

Post a Comment

Popular posts from this blog

CEM LADC IN HOUSE FIAHNA PALTLANG

Image
South Lungpher Bialtu MDC & CEM nibawk Pu C. Lalmuanthanga'n a sawrkar fiahna paltlang *"Kan sawrkar ah hian, Lal bik, thunei bik leh mimal thu angin engmah a kal dawn lo..."* -Pu C. Lalmuanthanga CEM LADC Biangreithlep, May 17, 2024: LADC sorkar thara CEM rintawkna fiahna Vote of Confidence chu vawiin Zirtawpni, May 17, 2024 chawhma dar 10:30AM hian LADC Session Hall ah Chairman Pu VL Hmuaka kaihhruainain tluang taka neih a ni. Chairman Pu VL Hmuaka chuan Governor ina Vote of Confidence neih tura atih angin, lehkha a chhiar chhuak a, vote of confidence hi neih chhunzawm nghal niin elected members 18 te an kalkhawm a, CEM atana Pu C. Lalmuanthanga pawmtu elected members mi 12 awmin, a pawmlo lam elected members mi 6 an awm bawk a. Elected Members panga (5) dangten chawlh an lak avangin House an attend lo a; Pu VL Hmuaka Chairman chuan, CEM chu House ah fiahna a paltlang tih a puang nghal ani. Vote hi ban phara lak a ni.  He hunah hian House Leader & CE
Read more

Executive Members te lakluh an ni, CEM in an enkawl tur Deptt. a puang nghal

Image
LADC a Executive Member's te lakluh an ni, CEM in an enkawltur Deptt. a puang Biangreithlep, May 30th 2024: Lai Autonomous District Council a Chief Executive Member Pu C.Lalmuanthanga'n Executive Member pakua (9) ruatin, Governor in May 27, 2024 a a pawm te chu vawiin chawhma dar 10:30AM khan LADC Hall, Lawngtlai ah Lawngtlai DC Pu Chemala Siva Gopal Reddy chuan rinawmna thu tiamtirin LADC Executive Member atan a lalut a, lakluh hnu hian CEM hian Executive Member te hna chanpual tur tur a puang nghal. Pu K.Lalthanzara Executive Secretary, LADC kaihhruai, Executive Member te lakluhna ah hian Lawngtlai DC chuan MDC pakua Lungtian bialtu Pu Sanghuliana Mualchin, Vathuampui bialtu Pu C.Rongura, Sekulh bialtu Pu Lallawmsanga Apetow, Bazar Veng Lawngtlai bialtu  Pu Lalropuia Chinzah, Chawngte 'P' bialtu Pu Andrew Laltlanzara, Bualpui East bialtu Pu L.Daniala, Sangau South bialtu Pu JB Vanhoy, College Veng Lawngtlai bialtu  Pu C.Hrangthianga leh Diltlang South bial
Read more