PSTA Hruaitute leh a changtu EM ten inkawmhona an nei

Pu Sanghuliana Mualchin, EM (i/c P/S) LADC changtu chuan, Primary School Teacher's Association hruaitute lengah sawmin inkawmhona an nei.

Chiapa 25, 2024 (LT) Vawiin khan, Pu Sanghuliana Mualchin, Executive Member Primary school Education changtu chuan, LADC Teacher's Association hruaitute chu, a room-ah lengah sawmin inkawmhona an nei.

Pu Sanghuliana Mualchin chuan, "Pathian leh kan hruaitute duhsakna changin, tun Sorkar tharah, LADC Primary school Education enkawlna hna chu ka chungah nghah a lo ni leh ta a, hun hmasa lamah, PSTA-te nen hian thawhhona tha tak neiin kan lo thawkho tawha, a thlamuanthlak hle in ka hria, tun tumah pawh, thawhhona tha kan neih leh ngei ka beisei a ni" a ti.

 A sawi zel naah, School leh Zirtirna kan pek dan chungchangah tan la thar tur leh Public leader-te chu ni rei lo te rawn thu a, reilo teah insawn leh mai thin an nih a, chuvangin, a neitu leh enkawl tak taktu chu Zirtirtute an ni tih thu chah in, LADC in a sum sen zat ang-hu mila zirlai enkawlna ah rah tha leh duhawm a chhuah a ngai a, Zirtirtu-ah hian mifel leh tha tak tak an inphum ru teuh a, mahse kan tangrual tawk lo deuh niin alang fo thin. Zirtirtu hna hi hna zahawm tiin kan hre thin a, kan zah bawk thin a nih kha, tuna kan dinhmun erawh kan hretlang veka, chuvangin PSTA a kan hruaitu fel tak takte nen hian a siamthat hna i thawk ang u, a ti.

Pu Sanghuliana Mualchin, EM chuan, kan zirtirtu leh School a zirlai awm dante kan lo zir chiang mek zel a, tun aia tha zawk leh mumal zawk anih beiseiin, ruahmanna siam kan tuma chumi hunah pawh chuan, kan tanruala thuawih taka kan ruahmanna te min pawmpui kan beisei a ni, School report kan siam pawhin dik leh felfai rintlak ni thin se, Kohhran mi kan nih angin takin, taimak chhuah ila, kan ram hi Zirna (Education) tha pe turin tan ila thar leh ang u, tiin ka sawm che u a ni a ti.

Pu Sanghuliana Mualchin chuan, Zirtirtu fel leh tha tak tak kan awm laiin, mi thenkhat, Politics thila in hnamhnawih kan awm thin a, hei hi Official mi kan nih chuan Conduct Rules nei kan ni a, danin a phal lo a ni. Zirtirtu hna kan thawh duh chhung chuan  Poltics thila kan telve hi a rem lo a ni tih hria ila, Politics thila inrawlh kan awm loh nan kan hruaitute pawh hian, min lo ven sak a, awm lo tura in  lo inzirtir ka duh a, tute-emaw fel lohna avangin, a fel leh tha te'n kan hmingchhiat phah ve thin a ni tih pawh kan hriat fo a tha a. Tin, PSTA hruaitute in hmalakna hrang hrangah harsatna in neih chuan, in pawh tlang takin sawiho thin ila, hma kan la ho zel dawn nia, a ti bawk.

PSTA hruaitute pawhin, an hmalakna leh harsatna an neihte sawiin, inkawmhona tha tak an nei a ni.